Cce ccautu, auannu! (di Emanuele Castrignanò)

Auannu šta ssucceti, cosa štrana,

nd’hamu scurdati ti la tramuntana.

Cautu, faugnu e sciruccazzu

la vita è ddivintata nnu štrapazzu.

Crandi e ppiccinni, viti ddurmišciùti,

cuštretti a ccaminari mienzi nuti,

li femmini, ca ormai no ssi capešci,

li viti  propia ca unu štriminešci.

Ma, puru ca nc’è štu cautu fitenti,

 li vecchi viti sempri cchiù ccuntienti,

a vvetri ‘šti carosi già spugghiati,

e lloru cu lli bagnoli ddifriscati.

No ssi risìšti, e ttutti ndi lagnamu,

ti notti, giurnu, e ssera iaštimamu

‘šta štaggioni vinuta ccussì štorta,

ci sà furnešci, ca no ssi supporta.

Priamu cu trasi amprima la virnata,

e lla šta spittamu cu nna sirinata,

ci sa, spicciamu ti štušcia’  sutori

e ddi fuciri ti cretu a llì tottori.

Nnu fattu è ccertu e, ppuru, s’av’a ddiri,

ci po’  ndi scela e  nno pputìmu  assìri,

nienti lamienti e nnienti cchiù suspiri,

c’armenu  li palli frišchi am’a ttiniri!

Emanuele Castrignanò

27.07.2022