Ci scrive Giovanni Della Piazza, fratello di Coco e zio/cumpari ti Frangesco.

Carissimo dirittori,

ti alleco questa lettara risirvata personali scritta a nomi di cuginoma Coco della Piazza

ca comu sai no nci volu scrivi più e sinn’è andato foripaese. Veramenti la lettara mi l’à ditto cuttelascrivo il figlio di Coco, Frangesco ca si chiama com’al nonno.

Lu vagnoni ha visto il vìtio canno fatto i ristoratori e ha ditto all’attani: “Mi ni sta tornu a Misciagni, ca ddà si mangia a si fatìa”. E taccosì ha caricato l’apo e si ha partutu ti ddo stava, ca sapi ca teni un buccicattulo al centro storico, mancu sala e cammara, però sta il bagno ntra casa…

Mo ha successo ca il cagno del Comuni ogni ggiurno sta facendo i cumunicati ca al centro storico no si po trasiri, pirceni sta ggiustuno Porta crandi. E osci, e crai, e piscrai… Ognu ggiurnu et una lettara nova e nipotuma ca come ti ho ditto sì ha partuto cull’apu caruci ti rrobbi ti ddo stava, non si po’ ritirari a casa.

Il primo ggiurnu ha parchiggiato l’apo cret’all’orturi, ma nci sono li strisci bblù e si ha frusciatu puru nnu poco ti sordi sani, ca i minuti si erano spicciati; poi gli sono titto: “Frangì, nchiana ti nanzi Santu Cosumu, mmeru a ddo abbata Pulitoru!”. Lu fattu eti ca l’apo sta carucu a spasciassu e n’atru picca mpica, ca menu mali ca nipotuma si ha impizzatu subbr’alla cabbina ca pareva un marunaru, ci noni fottu tutti li cosi mmienzu alla strata.

Mo ieri sera ha parchiggiatu arretu, mmeru allu Municipio, ma cu ddormi ntr’all’apu cu la casa ca teni, mi sembra una cosa filu ggiusta.

Stamatina, poi, abbiamo andati alla Comune. Ho parlato cunn’amicu mia ca non stava mancu canoscendo Frangescu, ca puru l’annu scorso o quandu è stato ha ditto ca ci ha dato una manu.

Nzomma, st’amicu mia, ha chiamatu sobbra, dopo ca ci abbiamo presi il cafei ddo puccianna, ha picciato il compiuti e mi ha liggiutu lu cumunicatu ti osci ca mi sono ricupiatu e ca tici: “LAVORI PORTA GRANDE, DA DOMANI A GIOVEDI 18 (6.00-15.00) TRANSITO VIETATO 

Martedì 16, mercoledì 17 e giovedì 18 maggio dalle 6.00 alle 15.00 il transito sotto Porta Grande sarà vietato per permettere alcune delicate operazioni dei lavori che stanno interessando il monumento.

Dalle 15.00 in poi sarà consentito il passaggio a pedoni ed autoveicoli. Altri mezzi (carico/scarico) potranno seguire i percorsi alternativi già individuati dal Comando dei Vigili, il quale rimane a disposizione con proprio personale presente in zona, ad eventuale assistenza nell’individuazione dei percorsi più idonei”.

Nipotuma allora ha ditto: “CCè vuè dici?” E l’amico mia nci ha rispustu. “Ca mancu pi crai si nni parla!”.

Allora ti sta scrivu questa lettera risirvata, caru tottori Giordanu, ci sa’, pi’ rispetto a Cocu, putimu rripisciari l’Apo nanzi casa ti ssignuria. Iu veramenti vulia cu lu va lassu nanti casa di nquarchi amministratori, ma cumpara Nucciu mi ha dittu: “Giuvà, lassili fottiri, ca quiddi no’ ssò bbueni!”.

Ma attanto, frauma Cocu chiama e mi cazzescia pirceni lu figghij cu la casa ca teni no nci po’ trasiri; mugghierama è totta nnù latuernu, pirceni si tispiaci cchiù ti mei di lu sciuscettu (ca Frangiscu l’amu puru vattisciatu); iu sta perdu li sciurnati a scisciacchiu e mo’ m’aggia puru ncazzari. Allora iutimi tuni e a nna mostravota fammi trasiri al centrostorico e fammi ripisciari l’apo di nipotuma mmeru allu stutiu tua, cussini iddu stanotti tormi mmeru alla chiesa matri e ti uarda puru li cosi tua. Ca cu li cosi ca si sentunu… Mi raccumandu, tieni sta lettara pi ttei e no’ la spubblicari, ca ci noni la leggunu lu sinducu, l’assissora Parmodda, l’assissora ti Reggiu Calabria, il tirittori artitico ti lu Centro storico e nni fannu tanta ti capu a tutti…

E qui mi sottoscrivo culla firma mia

Giovanni Della Piazza, fratello di Coco e zio/cumpari ti Frangesco.