11 Settembre 2001 di Emanuele Castrignanò

Ci penzu a ccuru giurnu cce ssuccessu

no ssacciu ti ddo partu e ccomu nn’essu:

lu mundu, sottasobbra e rrivutatu,

paria ti nn’atra uerra scunucchiatu.

Mpalati nant’ a llì televisioni

vitendu sulu muerti e ddištruzioni;

t’ogni pizzu ti mundu e ddi nazioni

si sintiunu cundanni e ndignazioni.

Atti ti terrorismu e ddi paura

scunvulgera  l’Ameraca sicura,

la putenza mundiali cchiù timuta,

paria ca ti corpu era sparuta.

Nišciunu si sintia cchiù sicuru,

uardandu cuddu cielu tuttu gnuru

ti fumu, fuecu e tterra ca vulava

suttirrandu tuttu cuddu ca ncuntrava.

Tanti firiti, muerti rrusulati

ntra lli Torri ca brušciàunu svintrati;

ma la paura cchiù forti, mo’ lu ticu,

era no ssapi’ ddo štava lu nimicu.

Ccussì, li Torri ch’èrunu giganti

s’erunu piecati a lli bricanti,

cuštu lu segnu, pi cci cumandava,

ca lu mundu, mo’, šta trimulava.

Muerti nnucienti e llacrimi virsati,

so’ lli priezzi ca l’Ameraca è ppaiati.

No sso’ li uerri. ca fannu l’omu ucuali,

ca enchiunu campusanti e lli spitali.

Sulu la Paci pò ssarva’ štu mundu

šcrafazzatu ti l’otiu, e nno ppari tundu.

Perciò BAŠTA, cu bbombi e ccarrarmati!

Troppu tuluri la uerra è rricalati!

E ogn’unu la pò ffa’ la parti sua,

ncuminzandu, già, …ti casa sua.