Estate Mesagnese 2017 (di Emanuele Castrignanò)

Sti festi ti Estati a stu paisi,

ti fannu strulica’ pi’ giurni e misi.

S’ènchiunu strati, vìculi, piazzali

ca nni parlunu tutti li giurnali.

Lu centru anticu, a forma ti nnu cori,

ti resta a menti, sia lu prim’amori:

Chiesi rricamàti, pisuli nquacinàti,

vuci ti cristiani ca nn’ènchiunu li strati.

Alli farcùni li fèmmini ‘nfacciati,

vistuti a festa pi’ l’innammurati,

arrìunu furastieri a passiggiari

suddìsfunu ogni spilu ti mangiari.

Si rèciata, si bballa, nc’è allicrìa

a Castieddu, Sant’Anna e ogni via.

Spittèrrunu li bbàrra e risturanti

ti giùvini e di grandi, ca so’ tanti.

Ogni sera nci stai ‘nu cuncirtinu,

lu sienti ti luntanu allù sciardìnu,

alli pizzùli ‘nu pianu e contrabbassu

ca puru alli vecchi scàzzaca lu passu.

Pari cangiàtu, Misciagni ‘ntra sti misi,

e senza to’ musùri cu do’ pisi,

tàmu mèrutu a ciunca è l’autori

ca ti sti cosi è lu Dirittori.

Ci si lagna pi’ mistièri, no’ lu tici

ca lassa lu PIRU pi’ li calaprìci,

ma iu, ca so’ luntanu ti stu viziu,

lu ticu critandu: CRAZZI MAURIZIU!!!!!