Il ritorno di Candillinu (anonimo mesagnese)
Abbiamo ricevuto e volentieri pubblichiamo una mail con un sonetto di Candillinu. Avevamo perso le tracce di questo anonimo scomparso da qualche decennio.
Che dire? Se effettivamente è lui, possiamo constatare che si è attrezzato perché mentre prima inviava lettere anonime ora con Google e mail di ogni genere riesce a diffondere diversamente i suoi sonetti ed i suoi commenti a corredo della poesia.
In questo sonetto Il sindaco chiamato 'Ntunucciu, è veramente delizioso! Buona lettura.
La Giunta nova a fatia! (opuramenti … frusciu ti scopa nova)
Appena annu spicciati ti vutari
Ci è persu è sparitu ti la chiazza
Ci è vintu è pinsatu allu fatiari
Cu sicchi, acqua scopa e na ramazza!
‘Ntunucciu, se capati l’Assissori,
nu Presitenti, e cincu fatiaturi
tre masculi e do’ femmini ti cori
e nna scummessa totta ti favuri
Rivuetu ‘ntra Misciagni a prima acchitu
Carmela cu Tiresa e cu Rrubertu,
anziemu cu ‘mpa’ Peppu e cu ‘Ntunellu
cu sembra lu paisi cchiù pulitu
annu fatiatu tutti a cori apiertu!
frusciu ti scopa nova e … bellu bellu!
Candillinu
1-10 (acc. 2-6-10)
12-14 (acc. 1-6-10)
21 giugno 2019 cuandu ‘cumparama ‘Ntunucciu è quaggiatu la Ggiunta!
Era bbuenu tiempu ca’ no’ mi facìa a sentiri. Aggiu statu fori terra e mo’ aggiu turnatu! E c’aggiu ‘ntisu? Annu futtutu nterra cumparama Peu ti sinducu e tinimu n’atra virnata pi’ museu!
Beh, però ‘Ntunucciu la Ggiunta e nu Presitenti tuttu nuevu ne le prisintata ca cu la contu totta m’annu rizzicatu li carni!
Lu presitenti si chiama Ture e iu pinsava ca era qualche parenti ti la bonanama ti Nicola Turi ca cuandu scia a ddo’ lu Sammichilanu lu chiamava Ture (sempri tutti li cosi cu la e alla fini) ma non è cussì e iu no’ lu canoscu. Poi to belli femmini ca no’ si po’ diri nienti, anzi! Caru ‘Ntunucciu li masculicchi ca scapatu so’ nu picchi scarcinati allu cunfrontu!
Comu santu sia sia la Ggiunta sta fatìa? Berlusconi? E ce n’amma fari ti li cientu ggiurni! A Misciagni si fatìa a prima nomi, anzi siccomu cincu ‘ssisori so’ picca n’ammu giuntu n’atri quattru ppi’ sippuntu!
E cu no’ ddicunu: “na’ fatìa, na’ fatìa” annu llavatu la chiazza, annu livatu l’erva li bbacchittuni e annu cuminzatu cu llevunu li zzocculi ti ntrà li fugnaturi.
Perdenni Candillinu ca’ pi’ sti cosi teni nasca è pinzatu ca la cosa non ci tura e comu ticìunu l’antichi sembra ca eti nu frusciu ti scopa nova e ancora pirdenni è fattu ‘n’atru zzunettu.
E no’ vi ni curati ci stu zzunettu c’è misu picca pipiruncinu, Candillinu ni ‘sta pripara atri.
E cutitivi la festa ti la Matonna ti Lugliu e alla prucissioni a prima fila tutti seri seri e piettu ti fori (sinducu, onorevuli, ‘ssissori compresi li femmini) ca cussini comu si ticìa na’ vota, caru Candillinu ci no’ mbivi, sciacqui!
Lu prossumu zzunettu: la Matona sapi
