La lettara ti Carmelu a llu frati Giuvanni (di Carmelo Colelli).
Ogni tantu, quandu vegnu a Miscagni va trovu li zzii mia,
stamatina aggiu sciutu a casa ti zziama Carmelina, la mugghieri ti zziuma Giuvanni, lu frati ti sierma.
‘Npena me vistu se prisciata assai, me ‘mbrazzatu, maggiu ssittatu ti costi a edda e edda subbuto me fattu nu saccu ti ddummandi, comu stai, comu stannu a casa tua, mammata comu si la passa, li fili tua ce fannu, na tumanda cretu l’atra, iu ‘nci rispundia e edda era cuntenti, a mei sta zia me sempri vulutu bbeni ti quandu eru piccinnu.
Puru edda me cuntati tanti cosi, me cuntatu ti li fili sua e ti li niputi, e puru ti li proniputi, a nnu certu puntu me dittu:
“Uè Carmè mo tagghia ffa vetiri na cosa ca aggiu truvata ‘ntra lu bbaroi l’atru ggiurnu.”
Se azata e è sciuta chianu chianu ‘ntra la cammara, aggiu ‘ntisu apriri nu tiraturu, toppu nnu picca e turnata cu na lettara mmanu.
Me le mmustrata e me dittu:
“Sta lettara l’agghiu cchiata l’atru ggiurnu ‘ntra lu bbaroi ‘nziemi a tanti cartullini, tutti cosi ti quandu iu e zziuta Giuvanni staumu alla Girmania, questa eti la lettara ca scriviu ziuta Carmelo quandu s’era spusari cugginuta Vitucciu.”
Uè zzi la pozzu leggiri?
Comu noni figghiu mia, lieggiala, lieggiala a arta voci ccussini sentu puru iu cuddu ca stai scrittu, puru ca lu sacciu a mimoria.
Mi mesi l’acchiali ti vicinu e ccuminzai a leggiri:
“Caro compari e fratello, ti scrivo questa littera per farti sapiri ca nui stamu tutti bbueni e cossì speriamo ti voi.
Comu tu sai iu sontu megghiu cu lla zappa ca cu lla penna mi scuserai gli erori che cometterò su questa littera.
Prima ti scriverti sono antato a casa ti nostro fratello Cosimo e li ho detto che ti tovevo scriviri e lui mi ha raccomandato di dirti ca suo figlio ‘Ntognu è partito per lavoro all’altitaglia a fari l’inbianchino, la muggieri va sempri fori e moni ca eti stati sta vai a tagliare l’ua sotta a llu tindoni.
Quani, a Misciagni sta faci tanto caldo, molto ti chhiui ti l’atri anni, tutti auannu vi sta spittaumu pi la festa ti Lugliu ma vui atu rimasti alla Girmania puru auannu.
Pirceni non avete venuto? No stati bueni? Siamo tutti prioccupati.
Quando ci siamo scritti l’ultima littera, prima ti Natali, mi ticisti ca stavi nu picca raffriddatu, voglio sapere ti è passato lo raffreddore, sei antato da un tottori, era unu buenu? O hai fatto come sempri a capu tua?
Mo ti debbo dire una cosa molto importanti, mio figlio Vituccio, lo sciuscettu tuo, è fatto crandi, se truvatu la zita, Rosetta la figghia ti ‘Ntognu lu craunaru, una buona famigghia, la vagnona è ‘ngranziata e bedda vai ddo mesta Melina cu ssi ‘mpara ti cosiri e ricamari, Vitucciu mia, vai fori e già ti l’annu passatu è trasutu ‘ntra l’antu ti Ton Attigliu, se fatti un poco ti soldi e ha cominciato a fabbricari la casa.
Cu ssi compera lu lotto ho dovuto interviniri iu li ho tato una buona parti dei risparmi che mi ero fatto insieme a te quando stavo puru iu alla Girmania.
Avevamu mpuntatu cu ‘Ntognu lu craunaru ca li vagnuni li dovevamo fari sposare a Dicembri ti questo anno, ma li cosi non sono antati come tovevano antari e tu mi puoi capiri.
Era un po ti ggiorni ca vetevo mio figghio Vituccio un poco acitato, una sera li ho detto: “Figghio mio se c’è quarchi probblema timmelo ca vitimo comu si po risolviri” iddu non mi ha risposto.
La sittimana passata mentre ero nella cantina di Giuanni e stavo giocando a leggi con i miei amici, mi venne a trovare ‘Ntognu lu craunaru, lui se la faceva alla cantina ti Diadoro, appeno l’ho veduto mi sono subbito prioccupato mi sono alzato e sono andato incontro.
Senza cu lla porto alla lunga, carissimo compare fratello, tuo nipote Vituccio ha fatto quello che facesti tu cu cummà Carmelina, ‘nde scinduta la zita.
Ho lassato gli amici e subbuto sono tornato a casa a tirlo a mugghierama ‘Ntonietta, appena lo detto che Vituccio aveva scinduta la zita se messa a piangere, ma picca, poi totta a nna vota se vistuta e mi ha detto sto andando a casa di ‘Ndulurata la mamma ti Rosetta.
Topo un paio t’ori è tornata e mi ha detto: “Cra matina devi antare a parlare cu Don Pietru lu previti ti Santa Maria, li vagnuni s’anna spusari no cchiù tardu ti lu trenta ti agosto.”
Mi ha mbrazzatu e mi ha detto: “Figgiuta si sposa e nui divintamu nonni subbutu subbutu”
Mi ha fatto molto commuoviri.
Caro fratello tutto ti fretta tutto a fierru e fuecu.
Abbiamu ppuntatu cu Don Pietro ca si possono sposari il giorno ventotto ti agosto alli ori undici, topo il matrimoniu in chiesa dobbiamo antari a mangiari allo ristorante da Zio Mimino alla Sciaia.
Lu saccio che il tempo eti picca tu e Carmelina no putiti mancari.
Vi aspettiamo.
Vi salutamu tutti nui ‘ndi vitimu a Misciagni.
Tuo fratello Carmelo.
Misciagni 25 luglio 1970”
Furnutu ti leggiri aggiu uardato la zia e aggiu vistu to lacrimi alli uecchi sua, me uardatu e me dittu:
“Sembra ca fo ieri annu passati cinquant’anni”.
Vistu ca era rrivata quasi menzatia l’aggiu salutata e mi nn’agghiu sciutu.
A voti basta ‘na lettara ti tant’anni aggretu …
Carmelo Colelli
31 Luglio 2020
