Frangiscu ti la 'Ngegna scrive a "Carparello".
Su Facebook, nel gruppo "Raccontare Mesagne" la nostra testata www.mesagne.net aveva pubblicato l'articolo di Frangiscu ti la 'Ngegna
"Caru ddirittori ..." e Rino Carparelli, quale componente del gruppo, aveva espresso un simpatico commento. Frangiscu ti la 'Ngegna ha risposto con un altro intervento ovviamente in dialetto dal titolo "Carparello". Lo pubblichiamo volentieri!
Caro ddiirittori PPino,
è inutili ca mi vai chiamando cu mi tici ca sobbra fastbuc è assutu lu provessori Carparello ca mi ha scrittu una cosa. Lu sai ca sontu suggettu a figlioma e lu sai ca ticunu “mmara a ci no si cratta cu logni sua”. E allora ò duvuto spittari figlioma cu ti rispondu ncroci a ttei e allu provessori. Tu lu sai ca iu parlu e figlioma scrivi, tu sai ca so alfabbeto mentri a figlioma nci facemmu pigliari la terza media alla scola serale ca ticiunu ca ci noni no putia mancu fari il spazzino. Murali ti la facenda, figlioma teni la terza media alla scola serale ma stai senza fatia.
Inzomma, figlioma mi ha leggiutu lu provessori e iu no sacciu ti ddo ccumenzu. Annanzi tuttu nci vogghiu ddicu ca ci tu no ieri fattu lu pampana cu ti minti a cuntari comu mi futtisti la petra crandi di lu Barru ti demetriu, no era successo nienzi e nui essumu nnuttatu assantapaci, scendu allu cessu cupierti e noni a soliesirenu, prima cu nni mmucciamu cu li litteri.
Poi lu provessori mi dici ca no sacciu scriviri. E anforza ava essiri ccussini, pirceni iu parlu e figlioma scrivi al compiuti, poi mi tici ti lausiliari ca sontu sgarrati e ci aggiu capitu bbueni no sontu quiddi ca ti fannu la multa cu la fotografia mmienzu alla strata quando no pai lu bigliettu e lassi l’apo subbra alla strisci blù.
Cu sti friddi e cu la zzona rossa noppotti sciri allu provessori Ignoni ca cuddu è capuverdi e abbata alla Tiano, anveci iu sono nato, sono crisciutu pasciutu e antipasciutu a Misciagni e qua vulia mmueru, ma quandu mi tocca e senza niusciunu cu mi tira li pieti. No sontu mancu ti la murgia e lunaca cosa ca mi rricordu eti ca quando piccinnu sciucava a battimurra e quando pirdia e bruscava mi ticiunu: murgialla vagnò…
Iu no sontu filu esilaranti: li gocci pi la nasca no mi laggiu mai misi e la dilizia mancu mughhierana nni faci e anveci ti Dilizia iu mi rricordu tonna Litizia di Cleufi ca tinia lu tabbacchinu ntrà la Ngegna addove abbito come sapiti ti quandu l’attani di lu tottori Giordanu ndi feci il procetto ti casa. Mo a tutti latri cosi ca ha scritto il provessori Carparello (cu lu frati ca scrivi i viersi sontu toi e pirdenni Carparelli accomo si scrivi iddu) no sacciu rispondiri. Mi raccumandu a figlioma cu leggi bbuenu cuddu can ci ò ditto e pi li virguli e i punti e i postrofi, fazzu comu aggiu vistu a Totò alla televisioni. Nci dicu a figlioma cu ti li lassa tutti alla fini e ti li minti addo megghiu voli iddu.
Iu ti salutu caru ditirrori PPinu e salutimi il provessori Carparello e cciù sotta figlioma ti scrivi i punti cu nci li tai allu provessori. Ci no nci bastunu l’atri mittili tuni.
……,,,,,;;;;;:::::
’’’’’’
Frangiscu ti la ‘Ngegna
Per restare aggiornato seguici e metti “Mi piace” sulla nostra pagina facebook.
https://www.facebook.com/mesagnenet
