Fanoi, fanoi, fanoi ... no' li chiacchiri ti li poppiti! (ti Quartarieddu)

Sta ‘rriva San Giuseppu, cuddu vero, cu ni capimu lu maritu ti Maria, noni cuddu artigianu ca ci no’ era pi’ papa Calimeru ti Misciagni ca ni lu purtau alla Cintrali, no’ sapiumu mancu ca ‘nci stava!

E cu San Giuseppu, nu tiempu, no’ rrivaunu sulu li zzeppuru ma puru atri cosi, comu lu fanoi!

Comu lu fanoi?

Sì, sì, lu fanoi, no' li chiacchiri! E mmo’ ama mettiri li cosi alli posti ggiusti. Cuddu era lu fanoi ti santantognu, custu ti lu dicinnovi (ci lu fannu) eti ti San Giuseppu pi l'equinoziu ti la staggioni ('Ntunù ... no eti lu spusaliziu ti li cavaddi ci liggi equi e noziu ma ca li ggiurni sontu pari pari cu la notti!). E mo' vi ticu c'è successu!!!

Ti Santantognu ti lu fuecu ‘st’annu lu Papa ti la chiesa nova ca sta fannu sobbra alla via ti la Torri annu vulutu cu ppicciunu nu fanoi e cu biniticunu l’animali ca tutti nui tinimu ‘ntra casa (musci, cagnuli ecc…).  E quedda sera lu dicissetti ti Scinnaru cu la fannu pi’ lu megghiu chiamara puru lu Sinducu tantu pi’ fa muina. Ata ssapiri che ntra lu mesi ti Masciu ama cangiari Sinducu (custu no’ e’ cipodda ca uska), ma quedda sera a ‘mprima fila stava tuttu cuntinutu quandu li salimienti sta’ bruciaunu. Lu Papa chiamau puru ‘Ntunucciu ti Rrigghianu, nu bbuenu figghiu ca tici ca voli faci lu giurnalista e mancu l’ieri a ddiri pigghiau ti ponta Lu Sinducu cu ‘nci faci la ‘ntirvista.

La ‘ntirvista? … no’ vi ticu c’è cumbinara ca mi simbrara comu si tici: maru a iddu ca si ccucchiau cu mara edda!!!

E Ntunucciu ddummandau allu Sinducu: C’è ni pienzi ti stu fuecu?

Allora, cu lu piettu confiu confiu comu nu palummu, cu la zzeppula mocca lu Sinducu cumenza a diri: “La focara eti ‘na bbona cosa ca quani a Misciagni c’è sempri stata. E siccomu st’urtimi anni no’ nc’è stata, allora, bbuenu è fattu lu Papa ti Santantognu cu la faci n’atra vota e speriamu puru pi’ l’anni ca venunu!

A stu puntu Ntunucciu ti Rigghianu cu lu microfunu mmanu, senza cu nci penza filu, cumenza e dici … sì, sì Sinducu mia … stasera amu ppicciatu la focara cu biniticimu l’animali e poi cu dicimu ca ‘sta cumenza carnuvali.

E quisti quani, quandu fannu sti cosi, si fannu puru pigghiari ti la tilivisioni e cussini iu ca no’ nc’era mi l’aggiu visti, jappa jappa, a casa!

La focara … ma c’è sta diciti? La focara eti lu parlari ti li poppiti e la focara non c’entra nienti cu lu fanoi. Aggiu cuntatu tuttu a cumparama Cuchicchiu e cuddu m’è rricurdatu ca dammeru mm’eru lu Chiancaru tutti quiddi erunu fondi ti Silviu lu popputu (Silviu Guerrazzi, pi’ l’amici) ca si li vindìu a docientu liri lu metru quatru, alla fini ti l’anni cinquanta. Ci no’ nci crititi ddummandati a Peppu Floriu ca teni lu zziu Ermannu (ci mi rricordu bbenu) ca si ccattau lu suolu ddammeru alla manu tretta scendu a la Torri. No’ ue’ viti ca cumparama Silviu oltri alli suoli se vindutu puru la parlata ti li poppiti?

Statti attientu ‘Ntunucciu mia ti Rrigghianu ca t’aggiu vistu sti giurnu cu lu “tursu” ca voli ddiventa Sinducu e ca iu chiumu meggiu “Peu-peu”, cu no ssia va sbagli e cumienzi a parlari comu li nagghiri ca na vota fatìaunu a Misciagni. Ca ci vai ti stu passu nu Sinducu lassi n’atru ni pigghi ma tutti sontu comu li muluni e ti scoppiunu mmanu e cumparama Silviu ticìa: “Viti oh … e poi scuppiò …

Bata a ttei Ntunucciu mia cunossia ti Ntunucciu ti Rrigghianu ti va ‘ntendunu, crai o piscrai comu Ntunucciu lu popputu!!!

Scusimi sa, cussini l'aggiu pinzata e cussini l'aggiu titta!

Quartarieddu