Quartarieddu: provvisoriu e pi' n'atri quattro anni.

E’ vero m’aggiu fatto vecchiu e no’ capescu comu parlunu moni!

Agghiu sciuto sobbra alla Cumuni di internetti e aggiu visti n’avvisu pubblicu cu la data ti lu 17 novembri a proposutu ti l’aulii che ammu tatu comu cumuni.

Lassamu perdiri lu fatto ca no’ capescu tanti strimpigghi ti gari e no’ gari poi cu tamu tutti rricalatu ma ticu iu: No’ era bbuenu cu ni vindiumu tuttu e faciuamu nu picca ti pila?

E poi c’è significa curu c’atu scrittu:

Visto che con Determinazione a contrarre n. 784 del 27/04/2015, il Responsabile del Servizio Ambiente – Energia ha predisposto l’Avviso Pubblico per l’assegnazione provvisoria per la durata di anni 4 (quattro) degli appezzamenti di oliveti di proprietà comunale sopra richiamati;

A Misciagni ‘na vota o era pruvvisorio o era pi’ sempri, moni sta scuprimu ca lu pruvvisorio eti la billezza ti quattru anni.

Allora aggiu ddumandatu a cumparama Cuchicchiu lu Sinducu eti provvisoriu? Si, sì me rispustu Cuchicchiu ma pi’ lu Sinducu no’ nc’e bisuegnu cu scrivunu provvisoriu e pi la turata ti n’atri quattru anni.

Sobbra alla Cumuni ci si trubbunu, lu Sinducu lu fannu catiri subbutu sia che eti provvisorio sia che eti pampana e ca voli a ddura, assai.

Quartarieddu