La scarcioppula sott’ogliu (di Emanuele Castrignanò)
Avevamo scherzato con l'amico Emanuele ricordando che a Mesagne lu carciofu in dialetto si diceva Scarcioppula e che quindi accettavamo il tutto nella poesia ti lu carciofu brindisinu come licenza poetica. Il web su Facebook ha fatto il resto. Ed ecco Emanuele che ci ha inviato un altro gradevole e simpatico componimento con la seguente nota:
Non volevo scontentare i miei amici che hanno voluto ricordare la SCARCIOPPULA, ed ho composto stamane, in treno, questa poesia.
La scarcioppula sott’ogliu
La scarcioppula si sapia
a Misciagni nci criscia,
era fruttu ti staggioni
e non era com’a moni,
ca lu truevi ‘stati e ‘nviernu
nasci puru ‘ntra lu ‘nfiernu.
Cu cè priesciu si tagghiava
‘ntra li casi mai mancava
t’ogni motu cucinata
cu ti faci ‘na bbinchiata,
ma lu spilu ti futtia
ci sott’ogliu si facia,
no’ spittavi la virnata
pi’ apriri la ‘ngranata,
t’ogliu e menta assia n’ardori
ca sanava ogni dulori.
‘Ntra lu culu ti lu pani,
fatt’a casa cu li mani,
la scarcioppula nci scia
e di sobbra si cupria.
Lu villanu fori scia
‘ntra la sporta la mintìa,
allu vinu po’ ssuppava
e ccussì si ddicriava.
Puru a scola si purtava
e la borsa si ‘nguacchiàva,
mo’ li tiempi hannù cangiati
stannu già cunfiziunati.
Sta pirdimu quest’usanza
tuttu a dannu ti la panza,
non c’è arti, né passioni
‘ntra li giuvini ti moni.
Atri tiempi……., cosi fini,
mo’ cè truevi?...Carciofini!!!!
Emanuele Castrignanò
