Il Natale di Emanuele Castrignanò
Cuntàumu li giurni e no vitiumu l’ora
pi fari lu prisepiu e pi cantà la gloria
allu Mammìnu, c’ogn’annu nci nascia,
la notti ti Natali ‘ntra quedda casa mia.
Ccugghìumu cartuni, èrva, bricciulìna,
facìumu paisaggi comu la Palistina:
stratuni ‘nturtigghiati, muntagni, casiggiati,
pupi ti creta a suli, a gruppi, sparpagghiati;
iaddìni nanti casa, pecuri a pasculari,
uèmmini ca fatiàunu, femmini a lavari.
Li luci trimulàunu, l’acqua ca scurria,
brillàunu li stelli e lu cielu ca splindia.
La storia ripitìumu ti quedda notti santa:
na stella ‘lluminava la strata ch’era tanta
pi sciri alla capanna, ‘ddò nu Mamminieddu,
scarfatu cu lu fiatu e cu nu sciupparieddu,
comu Prufèti e Angili èrunu ‘nnunciatu,
nascia cu ni ‘rrivota stu mundu malandatu.
Tanti cantàunu gloria a Ddiu ch’era scindutu,
cu libara e cu sarva stu mundu ormai pirdutu.
Non era nu surdatu, armi no ni purtava:
la paci priticava, cu amori ni ‘mbrazzava.
Miraculi n’è fatti, pi’ l’urtimi è vinutu,
li pieti n’è lavatu e a tutti n’è sirvutu.
Ma nui, pi’ li piccati, an croci l’amu misu,
Iddu, spirandu tissi: “Vi spettu ‘n Paratisu”.
Chiù ti tomil’anni, ormai, hannu passatu,
lu mundu faci a vètiri ca tuttu s’è scirratu.
Si bata sulu a chiacchiri e a scintrusamienti,
ti cuddu ca n’ è dittu no ndi n’importa nienti.
Ma, tàminni na risposta:“Cè festa è lu Natali?
Pi’ Cristu ca rinasci o pi’ nui e pi’ li rricali”?
